Ukrayna üzərində böyük oyun - Kim qalib gələcək: ABŞ, yoxsa Rusiya? - Publika.az
Bizi izləyin

Siyasət

Ukrayna üzərində böyük oyun - Kim qalib gələcək: ABŞ, yoxsa Rusiya?

“Əgər müharibə başlasa, Rusiya əlindəki hərbi imkanlarla Ukrayna ordusunu çətin vəziyyətə sala bilər. Lakin Rusiyanın bu addımı atıb-atmayacağını demək çətindir. Fikrimcə, ABŞ Rusiyanın qonşu ölkələrini NATO-ya yaxınlaşdırmaq cəhdləri ilə Rusiyanı bu addımları atmağa məcbur qoyur. Rusiya da ABŞ-ın bu hərəkətlərinə qarşı öz həmləsini edir. Rusiya bu gün təlim bəhanəsi ilə Belarusa İskəndər M, S-400 raketlərini yerləşdirir. Bunlarla yanaşı, ABŞ Polşada da öz hərbi təchizatını yerləşdirir. Müharibə başlayarsa, ABŞ bu təchizatları 10 qat çoxalda bilər. Yəni, məsələ təkcə Ukrayna məsələsi deyil”. 

Bu fikirləri Publika.az-a açıqlamasında terror və təhlükəsizlik üzrə ekspert Abdullah Ağar deyib. 

Ekspertin sözlərinə görə, məsələ bir tərəfi ilə Baltikyanı, digər tərəfi ilə Balkanlar məsələsidir: “ABŞ və Rusiya məsələnin sadəcə Ukrayna üzərində qalması üçün bir oyun oynamır. Məsələn, Rusiya Moldovada Dnsetryanıdan və Belarusdan istifadə etməyi düşünür. Belə olan halda problem sadəcə Ukrayna üstündə oynanan bir oyun olmaqdan çıxır və digər ölkələrin də qarşılıqlı olaraq masaya cəlb edildiyi təhlükəli bir oyuna çevirilir. Bu da normal olaraq NATO-nu bu işə cəlb edir. Nəticə etibarilə məsələ öz çərçivəsini tamamilə dəyişir. Fikrimcə, ABŞ Rusiyanı Ukranaya girməsi üçün təhrik edəcək. Rusiya da bu addımı atarsa, ABŞ eynilə SSRİ-ni çökdürdüyü zaman həyata keçirdiyi bir ssenarini reallaşdırmış olacaq. Yəni, iqtisadi və hərbi sanksiyalar üçün bəhanələr yaradacaq. Hazırda NATO zəifləyir və ABŞ bu həmlələri ilə NATO-nu genişləndirəcək. Bununla da Fransa və Almaniya istədikləri kimi hərəkət edə bilməyəcəklər. Çünki Avropanın, Baltikyanı və Balkan ölkələrinin təhlükəsizlik məsələlərinə NATO baxacaq. Bununla da NATO-da böyük dəyişiklər görəcəyik”. 

A.Ağar daha sonra vurğulayıb: "Bildiyiniz kimi, Fransa prezidenti Makron "NATO-nun artıq beyin ölümü gerçəkləşib" kimi bir ifadə işlətmişdi. Həmçinin Fransa Rusiya ilə iş birliklərinə girmək istəyirdi. Almaniya və Fransanın da NATO-dan müstəqil bir ordu yaratmaq və milli mənafeləri üstün tutan fikirləri ortaya çıxmağa başlamışdı. Bu da Amerika geosiyasi hakimiyyəti üçün öz içindən yaşanan ən böyük təhdidlərdən biridir. ABŞ isə görünən təhlükənin qarşısını almaq üçün bu addımları atır. Ukrayna problemi dərinləşərsə, NATO içərisindəki çatların nə qədər dərin olduğunu görmək fürsətimiz olacaq. Bütün bunlardan isə belə bir sual yaranır: ABŞ bu həmləsi ilə öz müttəfiqlərini ətrafında daha da sıxlaşdırmağa, yoxsa uzaqlaşdırmağa nail olacaq?”.

Rəylər
Oxumağa davam et
Reklam

Siyasət

Pakistanın federal naziri: “Azərbaycan xalqımızın ürəyində xüsusi yerə sahibdir”

Azərbaycanın Pakistan xalqının ürəyində xüsusi yerə sahibdir.

Publika.az xəbər verir ki, bunu Pakistanın Parlament İşləri üzrə federal naziri Murtaza Caved Abbasi deyib.

Pakistanın Parlament İşləri üzrə federal naziri Murtaza ölkəmizin Müstəqillik Günü münasibətilə Azərbaycan Hökumətini və xalqını təbrik edib.

Dövlətlərarası münasibətlərdən danışan federal nazir Azərbaycanı qardaş ölkə kimi qəbul etdiklərini ifadə edib. O, qeyd edib ki, Pakistan Azərbaycanın müstəqilliyini tanıyan ilk ölkələrdən biridir: “Pakistan keçmiş Qarabağ münaqişəsi, eləcə də Vətən müharibəsi dövründə qardaş Azərbaycanı dəstəkləyib”.

44 günlük Vətən müharibəsindən söz açan Murtaza Caved Abbasi, Azərbaycanın öz əzəli torpaqlarını 2020-ci ildə işğaldan azad etdiyini vurğulayıb və bu münasibətlə də Pakistanın qardaş Azərbaycanı təbrik etdiyini diqqətə çatdırıb.

Pakistan üçün qardaş Azərbaycanın vacib ölkə olduğunu ifadə edən nazir ölkələrimiz arasındakı bütün sahələr üzrə, xüsusilə iqtisadi-ticari əlaqələrin daha da gücləndirilməsi üçün səylərin artırılmasının vacibliyini diqqətə çatdırıb.

Oxumağa davam et

Siyasət

Pakistanda Azərbaycanın Müstəqillik Günü münasibətilə rəsmi qəbul keçirildi

Azərbaycan Respublikasının Pakistandandakı səfirliyi İslamabadda yerləşən “Marriott” mehmanxanasında ölkəmizin 28 May - Müstəqillik Gününə həsr olunmuş rəsmi qəbul keçirib.

Səfirlikdən Publika.az-a verilən məlumata görə, Pakistanın Parlament İşləri üzrə federal naziri Murtaza Caved Abbasinin əsas qonaq qismində iştirak etdiyi qəbulda, bu ölkənin Dövlətlər və Sərhəd Regionları üzrə federal naziri Məhəmməd Talha Mahmud, Müdafiə İstehsalı üzrə federal naziri Məhəmməd İsrar Tarin, xarici ölkələrin Pakistandakı səfirləri, diplomatlar, dövlət qurumlarının, ictimai, mədəni, işgüzar dairələrinin nümayəndələri, bu ölkənin Silahlı Qüvvələrinin yüksək rütbəli zabitləri, KİV təmsilçiləri, eləcə də Pakistanda yaşayan azərbaycanlılar iştirak ediblər.

Azərbaycan və Pakistan himnlərinin səsləndirilməsindən sonra səfir Xəzər Fərhadov çıxış edərək 104-cü ildönümü qeyd olunan Azərbaycan Demokratik Respublikasının (ADR ) keçdiyi müstəqillik yolu haqqında danışıb. Səfir ADR-nin 1918-ci il mayın 28-də yaradıldığını bildirib və müsəlman Şərqində ilk demokratik dünyəvi respublika olduğunu diqqətə çatdırıb.

X.Fərhadov ADR dövründə demokratik hüquq və azadlıqların bərqərar olduğunu, etnik və dini mənsubiyyətindən asılı olmayaraq bütün vətəndaşlara bərabər hüquqlarının tanındığını vurğulayaraq o dövrdə hətta bir çox Avropa ölkələrindən əvvəl qadınlara səsvermə hüququnun verildiyini qeyd edib. Azərbaycan dilinin dövlət dili elan edildiyini, təhsilin inkişafına xüsusi diqqət yetirildiyini ifadə edib.

Səfir 1991-ci ildə Sovet İttifaqının süqutundan sonra Azərbaycan xalqı ADR-nin ənənələri əsasında müstəqil respublika qurduğunu və bərpa edilmiş müstəqilliyin möhkəmləndirilməsi istiqamətində Ulu öndər Heydər Əliyevin rəhbərliyi ilə çox böyük işlərin görüldüyünü diqqətə çatdırıb. Bu gün Prezident İlham Əliyevin rəhbərliyi ilə Azərbaycan Respublikasında demokratik, hüquqi, dünyəvi dövlət və vətəndaş cəmiyyətinin inkişafı prosesi uğurla davam etdirildiyini bildirən X.Fərhadov bu uğurların Azərbaycan xalqının həyatının bütün sahələrində öz əksini tapdığını qeyd edib. Vətən müharibəsindən söhbət açan səfir 2020-ci ildə məhz Azərbaycan Silahlı Qüvvələrinin Ali Baş Komandanı, Prezident İlham Əliyevin rəhbərliyi ilə ordumuzun torpaqlarımızı erməni işğalından azad etdiyini vurğulayıb.

Azərbaycan – Pakistan münasibətlərinə də toxunan səfir 9 iyun 2022-ci ildə iki ölkə arasında diplomatik münasibətlərin qurulmasının 30-cu ildönümü olduğunu bildirib və bu əlamətdar günün silsilə tədbirlərlə qeyd olunacağını diqqətə çatdırıb. X.Fərhadov həmçinin, iki ölkə arasında əlaqələrin bütün sahələr üzrə yüksələn xətt üzrə inkişaf etdiyini bildirib və nümunə olaraq artıq cari ilin mart ayından etibarən Lahor və Karaçi şəhərlərindən Bakıya birbaşa reyslərə start verildiyini, iyun ayından isə İslamabaddan ölkəmizin paytaxtına da birbaşa uçuşlara başlayacağını, eləcə də Hökumətlərarası Birgə Komissiyanın tərkibində fəaliyyət göstərən işçi qruplarının sayının 10-a çatmasını vurğulayıb.

Tədbirin ali qonağı Pakistanın Parlament İşləri üzrə federal naziri Murtaza Caved Abbasi öz çıxışında ilk öncə ölkəmizin Müstəqillik Günü münasibətilə Azərbaycan Hökumətini və xalqını təbrik edib. Azərbaycan və Pakistan münasibətlərindən danışan federal nazir Azərbaycanın Pakistan xalqının ürəyində xüsusi yerə sahib olduğunu bildirib və Azərbaycanı qardaş ölkə kimi qəbul etdiklərini ifadə edib. Pakistanın Azərbaycanın müstəqilliyini tanıyan ilk ölkələrdən biri olduğunu qeyd edən nazir bu ölkənin keçmiş Qarabağ münaqişəsi, eləcə də Vətən müharibəsi dövründə qardaş Azərbaycanı dəstəklədiyini söyləyib. 44 günlük Vətən müharibəsindən söz açan Murtaza Caved Abbasi, Azərbaycanın öz əzəli torpaqlarını 2020-ci ildə işğaldan azad etdiyini vurğulayıb və bu münasibətlə də Pakistanın qardaş Azərbaycanı təbrik etdiyini diqqətə çatdırıb.

Pakistan üçün qardaş Azərbaycanın vacib ölkə olduğunu ifadə edən nazir ölkələrimiz arasındakı bütün sahələr üzrə, xüsusilə iqtisadi-ticari əlaqələrin daha da gücləndirilməsi üçün səylərin artırılmasının vacibliyini diqqətə çatdırıb.

Sonda 28 May - Müstəqillik Gününün 104-cü ildönümü münasibətilə hazırlanmış rəmzi tort kəsilib və xatirə şəkilləri çəkilib.

Tədbirdə ölkəmizin tarixini, mədəniyyətini, turizm potensialını əks etdirən fotoşəkillərdən ibarət sərgi keçirilib. Həmçinin, Azərbaycanla bağlı müxtəlif videoçarxlar nümayiş etdirilib.

Oxumağa davam et

Siyasət

Emin Hüseynov: "Müstəqilliyimizi azad Qarabağda qeyd edirik"

“Müstəqilliyimizi azad Qarabağda qeyd edirik. Əziz həmvətənlər, Azərbaycan Respublikasının Dövlət Müstəqilliyi Günü münasibətilə hər kəsi təbrik edirik! Müstəqilliyimiz əbədi olsun!”

Publika.az xəbər verir ki, bunu Prezidentin Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) xüsusi nümayəndəsi Emin Hüseynov "Twitter" hesabında yazıb.

Oxumağa davam et
Reklam

Gündəm